News34 chandrapur
चंद्रपूर – चंद्रपूर शहरात मागील अनेक दिवसांपासून चोरीच्या घटनेत वाढ झाली असून चोर नवनव्या युक्त्या वापरीत जे मिळालं ती वस्तू चोरी करीत आहे, बांधकाम करण्याकरिता लागणारी मिक्सर मशीन सुद्धा चोरी करण्याचा प्रकार चंद्रपुरात उघडकीस आला आहे, याप्रकरणी पोलिसांनी 2 आरोपीना अटक केली आहे.
14 एप्रिलला सायंकाळी 5.30 वाजताच्या सुमारास बाबूपेठ येथे राहणारे 43 वर्षीय रोहित कुमार देवांगण यांनी बिल्डिंग मटेरियल मिक्सर मशीन चंद्रपूर-बल्लारपूर रोडवर उभी ठेवली होती, दुसऱ्या दिवशी 15 एप्रिलला सकाळी ती मिक्सर मशीन ज्याठिकाणी ठेवली होती त्याठिकाणी आढळून न आल्याने परिसरात इतरत्र शोध घेण्यात आला, मात्र ती मशीन कुठेही आढळून आली नाही.
याबाबत 18 एप्रिलला चंद्रपूर शहर पोलीस ठाण्यात गुन्हा दाखल करण्यात आला.
शहर पोलिसांच्या गुन्हे शोध पथकाने सदर प्रकरणाचा तपास सुरू केला, गुन्हे शोध पथकाचे सपोनि मंगेश भोंगाडे यांनी आपल्या चमुसह परिसरातील विविध सीसीटीव्ही कॅमेरे तपासून बघितले असता निळ्या रंगाच्या ट्रॅक्टर च्या मागे टो लावून मिक्सर मशीन नेताना आढळून आला. Chandrapur crime news
याबाबत अधिक तपास केला असता सीसीटीव्ही कॅमेऱ्यात दिसलेली मिक्सर मशीन सुद्धा चोरीची होती, ती मिक्सर मशीन दुर्गापूर परिसरातून चोरी केली असल्याची माहिती पोलिसांना मिळाली, पोलिसांच्या सखोल चौकशी मध्ये दुर्गापूर व चंद्रपूर शहर पोलीस ठाण्याच्या हद्दीत मिक्सर मशीन चोरी गेल्या होत्या, सीसीटीव्ही च्या माध्यमातून पोलिसांना आरोपीचा सुगावा लागला व आरोपी गुड्डू उर्फ कमल उर्फ राहुल श्रवण निषाद रा.अष्टभुजा वार्ड चंद्रपूर व 33 वर्षीय विशाल मारोती मडावी रा. विरुर दोघांना ताब्यात घेत त्यांच्याजवळून एक जुनी वापरती स्लॅप ढलाई काँक्रीट लिफ्ट मशीन अंदाजे . १,००,०००/रूपये (पोस्टे चंद्रपुर शहर) २) एक जुनी वापरती स्लॅप ढलाई काँक्रीट लिफ्ट मशीन केसरी रंगाची अंदाजे २,००,०००/ रूपये (पोस्टे दुर्गापुर) ३) गुन्हयात वापरलेला एक जुना वापरता स्वराज माजदा टॅक्टर क्र. एम.एच. ३४ बि. आर. ४५४१ किंमत अंदाजे ४,००,०००/ रूपये अस एकुन ७,००,०००/- रू चा माल आरोपीतांकडुन जप्त करण्यात आला. या प्रकरणी अजून 1 आरोपीचा समावेश असून त्याचा शोध पोलीस घेत आहे.
सदर कार्यवाही पोलीस अधीक्षक रविद्रसिंह परदेसी , अप्पर पोलीस अधीक्षक रिना जनबंधु , उपविभागीय पोलीस अधिकारी सुधीर नंदनवार मार्गदर्शनाखाली पोलीस निरीक्षक सतीषसिंह राजपुत , सहाय्यक पुलिस निरीक्षक मंगेश भोंगाडे यांचे नेतृत्वात गुन्हे शोध पथक कर्मचारी शरीफ शेख , विलास निकोडे , महेंद्र बेसरकर , जयंत चुनारकर , सचीन बोरकर , संतोष पंडित , चेतन गजललवार , इम्रान खान , इर्शाद खान , दिलीप कुसराम ,संतोष कावड़े , रूपेश रणदिवे यांनी केली. व पुढील तपास पोहवा महेंद्र बेसरकर हे करीत आहे.
