मुख्यमंत्री देवेंद्र फडणवीस यांच्या खांद्यावर मागास जिल्ह्याच्या पालकत्वाची जबाबदारी, जिल्ह्याच्या शिरपेचात मानाचा तुरा!
गडचिरोली;
जिल्ह्याच्या शिरपेचात आणखी एक मानाचा तुरा रोवल्या गेला असून राज्याचे मुख्यमंत्री देवेंद्र फडणवीस यांनी स्वतःहून अतिदुर्गम, मागास, आदिवासी बहुल व नक्षल प्रभावी गडचिरोली जिल्ह्याच्या पालकमंत्री पदाची धुरा खांद्यावर घेतली आहे. त्यामुळे जिल्ह्याच्या शिरपेचात आणखी एक मानाचा तुरा रोवला गेला असून जिल्ह्यात विकास पर्व सुरू होणार हे मात्र निश्चित!
यापूर्वी सन २०१० मध्ये राज्याचे तात्कालिक गृहमंत्री दिवंगत आर आर पाटील यांचेकडे जिल्हा पालकमंत्री पदाची जबाबदारी होती, त्यांनतर २०१९ मध्ये तत्कालीन नगरविकास मंत्री एकनाथ शिंदे हे या जिल्ह्याचे पालकमंत्री म्हणून कारभार सांभाळत असतांनाच ते २०२२ मध्ये मुख्यमंत्री पदावर विराजमान झाले होते, आता
राज्य शासनाकडून पालकमंत्र्यांची यादी जाहीर करतांना, स्वातंत्र्याच्या आठ्यात्तर वर्षात पहिल्यांदाच देशातील एखाद्या राज्याच्या मुख्यमंत्र्यांच्या खांद्यावर जिल्हा पालकमंत्री पदाची धुरा येण्याची कदाचित ही पहिलीच वेळ असावी! त्यातही विकास पुरुष म्हणून ओळखले जाणारे मुख्यमंत्री देवेंद्र फडणवीस यांनी नक्षलप्रभावी गडचिरोलीचे पालकत्व स्वीकारणे जिल्ह्यातील नागरिकांसाठी गौरवाची बाब आहे, हे मात्र विशेष!
उपमुख्यमंत्री अजित पवार हे यांच्याकडे दोन जिल्ह्यांच्या पालकमंत्री पदाची जबाबदारी सांभाळणार आहेत. अजित पवार हे पुणे आणि बीडचे पालकमंत्री असणार आहेत. मंत्री धनंजय मुंडे यांना पालकमंत्री पदाच्या यादीतून वगळण्यात आले आहे. धनंजय मुंडे यांच्यासाठी हा मोठा धक्का आहे. गेल्यावेळी धनंजय मुंडे यांच्याकडे बीडचं पालकमंत्रिपद होतं.
मुख्यमंत्री देवेंद्र फडणवीस हे गडचिरोलीचे पालकमंत्री असणार आहेत. तर उपमुख्यमंत्री अजित पवार हे पुणे आणि बीडचे पालकमंत्री असणार आहेत. उपमुख्यमंत्री एकनाथ शिंदे यांच्याकडे मुंबई शहर आणि ठाण्याचं पालकमंत्रिपद देण्यात आलं आहे. पंकजा मुंडे यांच्याकडे जालन्याचं पालकमंत्रिपद देण्यात आलं आहे. गुलाबराव पाटील हे जळगावचे पालकमंत्री असणार आहेत. धुळ्याचं पालकमंत्रिपद जयकुमार रावल यांच्याकडे सोपवण्यात आलं आहे. वाशिमची जबाबदारी हसन मुश्रीफ यांना देण्यात आली आहे. संजय राठोड हे यवतमाळचे पालकमंत्री असणार आहेत. उदय सामंत हे रत्नागिरीचे पालकमंत्री असणार आहेत.
एकनाथ शिंदे यांच्याकडे मुंबई शहर आणि ठाण्याचं पालकमंत्रिपद देण्यात आलं आहे. आदिती तटकरे यांचेकडे रायगड जिल्हा पालकमंत्री पदाची जबाबदारी असणार आहे.
राज्यातील पालकमंत्र्यांची संपूर्ण यादी;
गडचिरोली देवेंद्र फडणवीस, नागपूर चंद्रशेखर बावनकुळे, ठाणे एकनाथ शिंदे, पुणे अजित पवार, बीड अजित पवार, सिंधुदुर्ग नितेश राणे, अमरावती चंद्रशेखर बावनकुळे, अहिल्यानगर राधाकृष्ण विखे पाटील, वाशिम हसन मुश्रीफ, सांगली चंद्रकांत पाटील, सातारा शंभुराजे देसाई, छत्रपती संभाजी नगर संजय शिरसाट, जळगाव गुलाबराव पाटील, यवतमाळ संजय राठोड, कोल्हापूर प्रकाश आबिटकर, सह पालकमंत्री माधुरी मिसाळ, अकोला आकाश फुंडकर, भंडारा संजय सावकारे, बुलढाणा मकरंद जाधव, चंद्रपूर अशोक ऊईके, धाराशीव प्रताप सरनाईक, धुळे जयकुमार रावल, गोंदिया बाबासाहेब पाटील, हिंगोली नरहरी झिरवळ, लातूर शिवेंद्रसिंग भोसले, मुंबई शहर एकनाथ शिंदे, मुंबई उपनगर आशिष शेलार, सह पालकमंत्री मंगलप्रभात लोढा, नांदेड अतुल सावे, नंदुरबार माणिकराव कोकाटे, नाशिक गिरीष महाजन, पालघर गणेश नाईक, परभणी मेघना बोर्डीकर, रायगड अदिती तटकरे, सिंधुदुर्ग नितेश राणे, रत्नागिरी उदय सामंत, सोलापूर जयकुमार गोरे, वर्धा पंकज भोयर आणि जालना पंकजा मुंडे अशी महाराष्ट्र राज्यातील संपूर्ण जिल्हा पालकमंत्री पदाची यादी राज्य शासनाने जाहीर केली आहे.
