News34 chandrapur
पोंभुर्णा /चंद्रपूर – मित्राच्या लग्नाला उशीर झाल्याने चंद्रपुरातील सहा मित्र लगबगीत निघाले, पोम्भूर्ना येथे कामानिमित्त ते मित्र थांबले काम आटोपून डोंगरहळदी येथे विवाहस्थळी ते मित्र जायला निघाले मात्र आयटीआय जवळ पोहचताच त्यांच्या वाहनाला समोरून येणाऱ्या वाहनाने धडक दिली. या धडकेत एकाचा जागीच मृत्यू झाला तर 6 जण गंभीर जखमी झाले.
मृतकाचे नाव 28 वर्षीय हिमेश दुर्जन देवांग, लालपेठ चंद्रपूर असे असून जखमी मध्ये अंकित डुंबरे वय ३१ रा. लालपेठ चंद्रपूर,आकाश वानखेडे वय २४ रा.लालपेठ चंद्रपूर, दिपक निखोडे वय ३० रा. दुर्गापूर चंद्रपूर,निखिल सोनटक्के रा. बल्लारपुर वय २८ वर्ष सतीश ज्ञानेश्वर हरडे ३० वर्षे असे जखमी चे नाव आहेत.
चंद्रपूर लालपेठ येथील सहा युवक विवाह सोहळ्यासाठी डोंगरहळदी येथे आले होते. विवाहाला उशीर असल्याने ते पोंभुर्णा येथे कामानिमित्त आले, आपले काम आटोपून पोंभुर्णा येथुन ते निघाले.
पोंभुर्णा येथुन डोंगळहळदी येथे भरधाव वेगाने जात असताना वळणावर आल्टो क्र MH 34 BV 3164 अनियंत्रित झाल्याने समोरुन येणार्या इको व्हॅन MH 34 BR 0849 या वाहणाला जोरदार धडक दिली ही धडक एवढी जबर होती कि आल्टो वाहणाचा चुराडा झाला. या धडकेत एक ठार झाला तर आल्टो वाहणामधील पाच जण गंभीर जखमी झाले तर इको व्हॅन मधील एक जण गंभीर जखमी झाला.
सामाजिक कार्यकर्ते सुनील कुंदोजवार देवाडा खुर्द यांनी अपघाताची माहिती कळवुन रुग्णवाहिका घटनास्थळी बोलाविली व जखमींना रुग्णवाहिका मध्ये बसवुन ग्रामीण रुग्णालय पोंभुर्णा येथे उपचारासाठी दाखल करण्यात आले त्यातील हिमेश देवांग याला डाॅक्टरांनी तपासाअंती मृत घोषित केले. मृतकाला वय ३ वर्षे व एक १५ दिवस अशा दोन मुली असल्याचे कळते. घटनेची माहिती मिळताच पोंभुर्णा पोलिस घटनास्थळी दाखल झाले.
पुढिल तपास ठाणेदार मनोज गदादे यांच्या मार्गदर्शनाखाली बि.ज. सुरेश बोरकुटे, व पोंभुर्णा पोलिस करीत आहेत.
