प्रदेश युवक काँग्रेस सरचिटणीस शिवानी वडेट्टीवारांच्या नेर्तृत्वात निदर्शने, फोटोवर काळे फासून केले जोडेमारो आंदोलन
ब्रम्हपुरी;(चंद्रपूर)
तालुका काँग्रेसच्या वतीने लोकसभेचे विरोधी पक्षनेते खा. राहुलजी गांधी यांनी लोकसभेत जातीनिहाय जनगणनेच्या मांडलेल्या मुद्द्यावर चातुर्वर्ण्य व्यवस्थेच्या विचारधारेतुन आलेले भाजप खासदार अनुराग ठाकुर यांनी विरोधी पक्षनेते राहुल गांधी यांची जात विचारून त्यांचा अपमान केला आहे. त्यामुळे चातुर्वर्ण्य व्यवस्थेच्या मनुवादी भाजप विरोधात तसेच खा. अनुराग ठाकुर यांच्या निषेधार्थ ब्रम्हपूरी येथील छत्रपती शिवाजी महाराज चौकात महाराष्ट्र विधानसभेचे विरोधी पक्षनेते आमदार विजय वडेट्टीवार यांच्या सुचनेवरून युवक काँग्रेसच्या प्रदेश सरचिटणीस शिवानी वडेट्टीवार यांच्या नेतृत्वात निषेध आंदोलन करण्यात आले आहे.
यावेळी भाजप खासदार अनुराग ठाकुर यांच्या प्रतिकात्मक फोटोवर शाई फासून जोडेमारो आंदोलन करण्यात आले. व भाजप सरकार तसेच मनुवादी विचारांच्या विरोधात घोषणाबाजी करून निषेध नोंदविण्यात आली आहे.
आंदोलनात ब्रम्हपूरी तालुका काँग्रेस कमिटीचे अध्यक्ष खेमराज तिडके, माजी जि.प.सदस्य डॉ राजेश कांबळे, जिल्हा काॅंग्रेस सचिव विलास विखार, माजी पं.स. सदस्य थानेश्वर कायरकर, माजी नगरसेवक नितीन उराडे, शहर काँग्रेस अध्यक्ष हितेंद्र राऊत, जिल्हा काॅग्रेस सचिव मोंटु पिलारे, युवक काँग्रेस तालुकाध्यक्ष सोनू नाकतोडे, महीला काँग्रेस तालुकाध्यक्ष मंगलाताई लोनबले, महीला काँग्रेस शहराध्यक्षा योगिताताई आमले, माजी जि.प.सदस्या स्मिता पारधी, बाजार समिती उपसभापती सुनीता तिडके, पक्ष पदाधिकारी, महीला, युवक, कार्यकर्ते व नागरिक मोठ्या संख्येने उपस्थित होते.
