News34 chandrapur
चंद्रपूर/मुंबई – महाराष्ट्र लोकसेवा आयोगाच्या गट क व गट ब च्या 30 एप्रिल रोजी संयुक्त पूर्व परीक्षा होणार आहे, मात्र त्यापूर्वी एका टेलिग्राम चॅनेल द्वारे 80 ते 90 हजार विद्यार्थ्यांचा डेटा लिक करण्यात आला आहे व सदर डेटा हा नमुना आहे, आमच्याकडे विद्यार्थ्यांची ऑनलाइन लॉगिन आयडी, अपलोड केलेली कागदपत्रे, आधार कार्ड क्रमांक, इमेल आयडी असा संपूर्ण डेटा असल्याचा दावा त्या टेलिग्राम चॅनेल द्वारे करण्यात आला आहे. Maharashtra public service commission
या डेटा लिक नंतर विद्यार्थ्यांमध्ये चांगलीच खळबळ उडाली आहे, महाराष्ट्र लोकसेवा आयोगाने या प्रकाराची तातडीने दखल घेतली आहे. तसेच या प्रकारावर स्पष्टीकरणही दिले आहे. “महाराष्ट्र लोकसेवा आयोगामार्फत ३० एप्रिल २०२३ रोजी घेण्यात येणाऱ्या परीक्षेची प्रवेश प्रमाणपत्रे २१ एप्रिल २०२३ रोजी आयोगाच्या ऑनलाईन अर्जप्रणालीच्या वेबसाईटवर तसंच तात्पुरत्या बाह्यलिंकद्वारे उपलब्ध करुन देण्यात आली होती. Online website
यापैकी बाह्यलिंकद्वारे उपलब्ध करुन देण्यात आलेली प्रवेशप्रमाणपत्रे एका टेलिग्राम चॅनलवर प्रसिद्ध होत असल्याची बाब आज निदर्शनास आली आहे. ही बाब निदर्शनास आल्यानंतर बाह्यलिंकद्वारे प्रवेशप्रमाणपत्र उपलब्ध करुन देण्याची सुविधा बंद करण्यात आली असून या चॅनेलवर प्रसिद्ध झालेली प्रवेशप्रमाणपत्रे वगळता उमेदवारांचा कोणताही अन्य डेटा लीक झालेला नाही”, असं आयोगाकडून सांगण्यात आलं आहे. Data leak
सध्या महाराष्ट्र लोकसेवा आयोगाने टेलिग्राम चॅनेल च्या एडमीन विरुद्ध सायबर पोलिसात तक्रार दाखल केली आहे.