विरोधी पक्षनेते विजय वड्डेटीवार यांच्या प्रशासकीय अधिकाऱ्यांना सूचना,
सावली; (जिल्हा चंद्रपूर)
तालुक्यातील बहुतांशी विकास कामे लोकसभा निवडणुकीच्या आचारसंहितेमुळे ठप्प झाली होती. सदरच्या रखडलेल्या विकास कामांना शीघ्र गतीने पुर्ण करुन जनतेच्या समस्या तातडीने सोडवण्याचे निर्देश राज्याचे विरोधी पक्षनेते आमदार विजय वडेट्टीवार यांनी सावली येथिल पंचायत समिती सभागृहात आयोजित आढावा बैठकीत दिले आहेत.
यावेळी तहसीलदार प्रांजली चरडे, गटविकास अधिकारी मधुकर वासनिक, वैद्यकीय अधिकारी रामटेके, पोलिस निरीक्षक जीवन राजगुरू, माजी जि. प. बांधकाम सभापती दिनेश चिटनुरवार, माजी प. स. सभापति विजय कोरेवार, तथा सर्व विभागाचे अधिकारी व सरपंच तसेच पदाधिकारी प्रामुख्याने उपस्थित होते.
पंचायत समितीच्या नियंत्रणात राबविल्या जाणारे पाणंद रस्ते निर्मिती, घरकुल योजना, अंगणवाडी व शालेय वर्ग खोल्या दुरुस्ती, बांधकाम, नवीन प्राथमिक आरोग्य केंद्र व ग्राम पंचायत भवन इमारत बांधकाम, पाणी पुरवठा अंतर्गत जल जीवन योजना, तसेच अंगणवाडी सेविका व मदतनीस पदांची भरती, जिल्हा परिषद सिंचाई विभागाची विकास कामे, वनविभाग , जलसंधारण विभाग, आरोग्य विभाग,भूमी अभिलेख विभागा अंतर्गत सावली शहरातील मोजणी, महसूल विभाग,तालुका क्रीडा संकुल, नगरपंचायत, सार्वजनिक बांधकाम विभागा अंतर्गत सुरु असलेली विकास कामे, गोसेखुर्द प्रकल्पा अंतर्गत फुटलेली पाईप लाईन, कंत्राटदारांनी केलेल्या चुका, तसेच चुकीच्या ठिकाणी बसविण्यात आलेले व्हाल व त्यामुळे झालेले शेतकर्यांचे नुकसान तथा अन्य योजनांचा विस्तारित आढावा विरोधी पक्षनेते विजय वडेट्टीवार अध्यक्षतेखाली घेण्यात आला,
नुकतीच आटोपलेल्या लोकसभा निवडणुक दरम्यान विकास कामे ठप्प पडली होती. तर येणारा हंगाम हा पावसाळी हंगाम असुन यातुन शेतकरी, सामान्य नागरिक यांना भेडसावणाऱ्या समस्या प्राधान्य क्रमाने सोडवीण्यात याव्या. तसेच विकास कामांचा दर्जा उत्तम ठेवून कामे तातडीने पुर्ण करावे. तसेच विकास कामांत हयगय व दुर्लक्ष्य करणाऱ्या अधिकारी असो अथवा कंत्राटदार यांची गय केल्या जाणाऱ्या नाही अशी तंबी देखील विरोधी पक्षनेते विजय वडेट्टीवार यांनी संबंधित विभागाच्या अधिकाऱ्यांना दिली. याप्रसंगी प्रामुख्याने संबंधित विभागाचे सर्व अधिकारी, कर्मचारी, नगर पंचायत पदाधिकारी, नगरसेवक , सरपंच व बहूसंख्येने नागरिक उपस्थित होते. (ता.प्रतिनिधी)
