गळ्यावर चाकूने वार करणारा हल्लेखोर महिला शिपाईचा मुलगा,
गडचिरोली;
येथील भूमि अभिलेख कार्यालयात शिपाई पदावर कार्यरत दिनेश काकडे याच्यावर शेजारच्या उपअधीक्षक कार्यालयाच्या महिला शिपाईचा मुलगा सौरभ ताटीवार याने चाकूने प्राणघातक हल्ला करून जीवे मारण्याचा प्रयत्न केला आहे, यात दिनेश काकडे थोडक्यात बचावला,
सदरचा थरार टी-पॅाईंट चौकात सायंकाळी चार वाजता दरम्यान घडला. पोलिसांनी तातडीने कार्यवाही करून हक्केखोर युवकाला अटक केली आहे. जखमी शिपाई काकडे यांचे गेल्यावर शस्रक्रियेत सतरा टाके मारण्यात आले आहेत. त्यांची प्रकृती स्थिर असल्याचे डॉक्टरांनी सांगितले,
हल्लेखोर सौरभ ताटीवार याची आई भूमि अभिलेख विभागाच्या उपअधीक्षक कार्यालयात शिपाई म्हणून कार्यरत आहे, तर जखमी दिनेश काकडे हा कनिष्ठ कार्यालयात शिपाई आहे. (ता.२७) गुरूवारी सायंकाळी चार वाजता दरम्यान दिनेश नेहमीप्रमाणे टी-पॅाईंट चौकात चहा घेण्यासाठी गेला होता, यावेळी सौरभ ताटीवार याने आपल्याजवळ लपवून ठेवलेला धारदार चाकू या शस्त्राने दिनेश काकडे यांच्या गळ्यावर वार केला. यात काकडे यांचा गळा चिरला गेला. अचानक झालेल्या हल्ल्यानंतरही दिनेशने मोठ्या हिंमतीने जीव वाचवून, नागरिकांना वाचवा-वाचवा आर्त हाक देऊन भूमी अभिलेख कार्यालयात धाव घेतली. कार्यालयातील कर्मचाऱ्यांनी आरोपी सौरभ याला पकडून पोलिसांच्या स्वाधीन केले.
पोलिसांनी रक्तबंबाळ अवस्थेतील दिनेशला तात्काळ जिल्हा सामान्य रुग्णालयात उपचारार्थ दाखल केले. त्यानंतर जखमी दिनेशच्या गळ्यावर शस्रक्रिया करण्यात आली. कापलेला गळा शिवण्यासाठी सतरा टाके मारण्यात आल्याचे डॉक्टरांकडून सांगण्यात आले असून दिनेशच्या प्रकृती स्थिर आहे. दरम्यान आरोपी सौरभ याच्याविरूद्ध भादंवि कलम ३०७ अन्वये गुन्हा दाखल करण्यात आला असून त्याला पोलिसांनी अटक केली आहे. सदर प्राणघातक हल्ल्याचे कारण अद्याप स्पष्ट झालेले नाही, घटनेचा पुढील तपास गडचिरोली पोलिसांकडून केला जात आहे.
